بنـات أون لأين روايه سعوديه

هــآآآآي ..

كيفكم ..؟

أكيد تمــآآم << إن شاء الله يعني ..

أنا .. مع كنت أتابع كثير قصص وحبيت اشارككم بقصة مررررررررة حلوووة.. ::":: .. بنـآت أون لاين ..::":: ..

الكاتبة لسه مستمره بكتابتها وماخلصتها .. وإذا أعجبتكم راح أنزل كل أسبوع بارت ..

وراح يكون اول بارت مرره قصير عشان حابه اخذ آرائكم في القصة قبل لا أكملها ..

وأتمنى من أعمــاق قلبي إنها تعجبكم ..



4 بنات كل وحده منهم لها حياتها ومشاكلها .. ولاوحده منهم قد التقت بالثانيه ولا تعرف عنها شي .. كل وحده منهم بتكون عنصر مهم في أحداث هالقصه وراح تجمعهم ظروف الحياة في يوم ما.. وراح يصيروا من أعز القلوب على بعض وأحب الأرواح إلي بعض .. وكل هذا حنتعرف عليه من خلال أحداث قصتنا الطويله والرحله الشيقه في أعماق قلوب مراهقات عاشوا الحياة بحلوها ومرها ..

أبدأ بالتعريف عنهم باختصار شديد والباقي راح نعرفه من خلال القصه ..

1- جود : 18 سنه ((ثالثه ثانوي أدبي)) " الرياض " ..
2- فرح : 19 سنه (( أولى جامعه )) " جده" ..
3- حلا : 20 سنه (( ثاني جامعه )) "الرياض " ..
4- نوف : 20 سنه (( ماتدرس ولا تشتغل )) " الرياض "..


نبدآ .. بسم الله الرحمن الرحيم ..

::":: الجـزء الأوٍل ::"::

جود في غرفتها سهرانه ع الشات ومرره طفشآآنه ..
صارلها أكتـر من سنتين مشتركه في هذا الشات وكل الي فيه يعرفوها من أكبرهم لأصغرهم مرره رجه وصرقعه والكل يتمنى تسطيحه وحده معاها بس الثقل عامل عمايله ..

في الشات ..

ღ ೋೋಈ ̶ ̷ಈ● غـرٍآآم ..((إسمها في الشات)) : يووه أحس إني بستفرغ أحد يقرب بالله ودي أستفرغ على وجه حلوو ..

أسير الشوق : لا لا دوبني متورش اقلبي وجهك عني ..

ღ ೋೋಈ ̶ ̷ಈ● غـرٍآآم : لاااا مره وااثق انت ووجهك الاصفر ذا انت الي يشوفك يحسب انه يطالع في قمطة فهد الحيان ..

أسير الشوق : وربي إنتي وجهك كأنو قفى المنتشري

غـرٍآآم : تيب يـا محمد نور ღ ೋೋಈ ̶ ̷ಈ●
أسير الشووق : أما محمد نوور .. طيب طيب ياانتصار الشراح اقلبي وجهك لاأهفك بسبحة جدي إلي جنبي

أسير الشوق : يـآآآآآآآآي
أسير الشوق : أقول برررررب الله يرجك

ღ ೋೋಈ ̶ ̷ಈ● غـرٍآآم : تيــت ولا تنسى تاخذ سنتيانتك معاك

وفي الحديقه حقت البيت ..

أم جود : إييييه هين الحين تلقينها عالتشات مادري وش مصيبته ذا بعد الله ياخذها هالبنت مامنها فايده ..
أم علي (( صاحبة أم جود)) : ورآآآتس تدعين عالبنيه وبعدين وش ذا الشاه لا يكون ماركتن جديده من هالخبص الي يحطونه على وجههم ..
ام جود : ههههههههه لا ياام علي هذا موقع عالكمبيوتر يدخلون عليه مادري وش سالفته يتكلمون فيه مع ناس كثير كل واحد من مكان يعني زي الماسنجر كذا بس ذا اوسع ..
ام علي : وييييييه ياأم جود وش ماسنطره بعد وش تقولين انتي ..
ام جود : هههههه سلامتك ياام علي اشربي شاهيك لا يبرد ..

*** جود البنت الوحيده أبوها متوفي من سنين وعايشه مع امها في بيت متوسط الحجم وأمها مره فري كل شي عادي .. ودايما بيتهم فيه جمعات وعزايم مايفضى أبدا .. وجود بنت مرره رجه وصرقعه وبايعه الدنيا ولا عندها طمووح بالمررره***

نزلت جود بملابس البيت ومعاها كوب كوفي ..
جود : هاااي مامي هاااي سويره ..
ام علي : سويرتن تهفتس ان شاء الله وتقطعلتس هاللسان الي وش طوله ..
جود : يووه خالتي ام علي ليه تزعلين ادلعك بس ..
ام علي : دلعن يعلق ببلعومتس ماعاد يطلعن ان شاء الله ..
جود تأففت : ماامي ماودي اروح المدرسه بكرا ..
ام جود : وليه خير ياحافظ وش فيك مابك ولا مصيبه ..
جود : بسم الله علي ان شاء الله أي مصيبه يمه بس كذا مو جاي على بالي اروح مالي خالق ..
ام جود تلوح بيدها بعدم اهتمام : بكيفك دراستك انتي ادرى فيها ..
جود : ياااي ماامي مره وناااسه اجل بسهر الليله معاكم ...
سحبت الكرسي وجلست معاهم : قولولي وش كنتوا تسولفون فيه مين اعرست ومين تطلقت ايييه صح يمه امس اختك الغبيه وش كانت لابسه بالعزيمه حسافه فاتتني النكته ماقدرت احضر ..
ام جود : اتركيك منها هالقرويه الله لا يوريك لابسه بنطلون جلد اسود وعليه قميص اخضر منقوش بالاحمر وييييعه وهذيك الحنه الي لاطخه بها شعرها كانها ضاربته بويه ..
جود بقهر : يووه خساره ليتني حضرت والله مقهووره
ام علي : على وش تنقهرين ياحسره كلهم قراوه مابهم وحدتن سنعه ..
جود >> مصدقه نفسها ذي الغبيه على بالها انها كوول وهي لهجتها المقرفه ماقدرت تغيرها وربي عنزتن جايتن من الربع الخالي خخخخخخ < <.. : ايييه صح والله انها قرويه ..

@@@@@@@@@@@@@@@@

الساعه 3 الليل وفـراري طايره في التحليه ومبين ان الي جوتها بيترحم عليهم بعد شويه ..
فيصل : ياخي وش فيك انت بتذبحنا ترى شوي شوي ..
عادل : هههههههه فويصل خليك منطم تراني مبسوط وودي تطلع للسياره اجنحه واطير فيها ..
فيصل : طير ياخي بس مو على حساب حياتي تراني لسه بعز شبابي وابي استمتع وقف اقول ابي انزل امشي شوي ..
عادل : انزيييين فكنا عاد خلاص بهدي ..
فيصل : لا لا تهدي وقف ابي احرك رجولي شوي نامت ..
عادل : نااامت ..؟؟! طيب غطيها خخخخ
فيصل : هيهيهي ياثقل دمك ياشيخ يلعن ساعه صادقتك فيها نزلني بس يالله ..
عادل : طيب طيب خلاص هذا احنا وقفنا انزل ..
فيصل : ولا اقوولك خذني على بيت عمي ودي في شوفتهم ..
عادل : صاحي انت الناس فجر ونايمه و تقولي بيت عمك ..
فيصل : ياخي انت وش عليك وديني لهم وانت بالع ذاك الشي الي ماودي اقوله الحين ..
عادل : اووف لا الاخلاق ** اليوم خلاص ابشر من هالعين العسليه اني اكون عندهم في دقيقتين ..
فيصل بدون نفس : ايه ايه يلا ..

وبعد نص ساعه وقفت السياره قدام باب الفله الكبيره والفخمه ..
عادل : انتظرك ولا كيف ؟
فيصل : لا لا انت اسري شكلي بنام عندهم الليله ..
عادل : خلاص اجل اشوفك باكر بالدوام يلا مع السلامه ..
فيصل : في أمان الله ..
طلع فيصل من جيبه نسخه من مفتاح فلة عمه .. والي متعود يجيهم دايما وبدون مواعيد ..
دخل للبيت لقيه فاضي وهااادئ على غير العاده اصوات عيال عمه ماليه البيت بطنازهم وهبالهم ..
فيصل : ياهوو يااهل البيت ياجماااااعة الخير ..
محد يرد عليه الظاهر انو كل واحد حاضن مخدته ونايم وبالذات انها ايام مدارس ودوام ماهو ويك اند ..
عقد حواجبه وراح جلس على وحده من الكنبات وشغل التلفزيون ..
وفي المطبخ حلا تسويلها كوب نسكافيه وتتفنن فيه على طريقتها الخاصه وتغني برجه على غير عادتها ..

*** حلا بنت رقيقه وهاديه وناااعمه لأبعد الحدود دمعتها على طرف عينها تنزل بدون سبب حساسه ورااايقه دايما بس عقلها اكبر من سنها بكثير .. بس لمن تبغه تفلها رجة العالم كلها تتجمع فيها ***

خرجت من المطبخ وهي ماسكه الكوب بيدينها الناعمه : ليت ربي ماكتب لحظة وداااع ولا فراق ولا دمووع ولا ضياع .. ليت كل الناس خلن مع خلييييل .. امممم همممم ترررم مممم ...
وفيصل في الصاله يدخن ومو داري عن الدنيا مسافر في عالم ثاني بافكاره ..
حلا خرجت للصاله ووقفت قدام المرايه الكبيره الي تبين كل جسمها ودخلت يدها بين خصلات شعرها الكيرلي وحركته بقوه عشان تزيد كثافته ..
وشويه تلمح انعكاس واحد جالس يدخن وراايق ارتجفت وطاح كوب النسكافيه من يدها لمن اتاكدت انو مو واحد من اخوانها ..
وهوا فاق من سرحانه على صوت الكوب الي طاح وانكسر لمية قطعه ..
شافها واقفه مرتبكه وتطالع فيه بصدمه هوا عقد حواجبه وصار يدقق في ملامحها ماقد شافها بحياته كلها .. معقوله تكون هذي بنت عمه بس معقوله ماقد لمحها ولا متع عيونه بكل هالجمال والرقه ..

حلا نزلت عيونها من عليه بسرعه ودخلت للصالون الكبير ووجهها طاايح وحاولت تقنع نفسها انو ماصار شي ..اخذت طرحتها ولفتها على راسها وطلعت من الصالون عشان تبغه تطلع لغرفتها ... قالت بارتباك : ألـ...سـ..ٍس لآآآم عليكم ..
فيصل طفى السيجاره وماطالع فيها هوا خلقه مايطيق البنات : وعليكم ..
حلا حست انها لقطت وجهها .. لفت تبغه تطلع ..
فيصل : اخوانك صاحيين ؟
حلا وجهها حمر وارتفعت حرارة جسمها ومالفت عليه : لـ...لا لاااء
فيصل يطالعها ببرود : ............
حلا استغربت سكوته بس طلعت بخطوات سريعه عالدرج دخلت لغرفتها وقفلت الباب ..
وفيصل تحت حط راسه ورقد ولا عليه في أحد ..<< خخخخ حلوه جبتها عالوزن .. رقد = أحد ...

اليوم الي بعده .. الثلاثاء .. الساعه 9 الصباح ..

فرح : ياشيخه طيري بلا هم تبغي تجي معايا تعالي ماتبغي انطقي هنا احسن لك ..
لمى : فرووحه لسه باقيلنا محاضره فين رايحه ؟
فرح : امم والله انا طفشت وقرفت منك ومن وجهك وابغه اطلع افطر وراجعه ..
لمى : كيف حتروحي ؟
فرح بتريقه : على حنطوور ..بلا هبل انتي كمانه سواقي برى لسه باقي ساعتين عالمحاضره ..
لمى : اممم اوكي بجي معاكي ..
فرح : طيب بسررعه خلصيني ..

*** فرح شخصيه محبوبه وتدخل القلب بسرعه وفي نفس الوقت مغروره لأبعد حد ومافيه شي تتمناه وماتطوله كل الي تبغاه يوصل لعندها وربي أعطاها من الجمال قدر كبير بس عيبها انها عصبيه وتتنرفز بسرعه ماتطيق كلمه من أحد وخاصة اذا كانت هالكلمه "لاء" ***
لبسوا عباياتهم وخرجوا مع السواق على جده مول ..
لمى شهقت : فروووحه شوفي مين هنا ؟؟
فرح طالعت للشاب الوسيم الي كان جالس لحاله على طاوله وقالت بعدم اهتمام : هادا رامي ايش جابو هنا الغبي ..
لمى : انتي مجنونه عارفه ايش يعني رامي ياهببببببله دا الي يغني يازفتته والله ماأطلع من هنا الا ومعايا توقيعو وصوره له كمان ..
فرح ضربتها على كتفها : والله انك بزر امشي بس امشي ..
لمى ماهتمت لفرح وكملت طريقها لناحية رامي الين وقفت قدامه مباشره : هاااي ..
رامي طالع فيها بتكبر وغرور : هلا
لمى ابتسمت بعدم تصديق : انتا رامي الـ****** صح ..
رامي ببرود ماطالع فيها : ايوا ..
لمى اتنرفزت من غروره صح دايما تشوفه عالتلفزيون مغرور ومتكبر بس كانت تظن انه ثقل بس اكتشفت انو من جد ثقيل دم ماينطاق ... طلعت من شنطتها دفتر صغير : لو سمحت ممكن توقعلي ..
جات فرح معصبه من بعيد : انتي ياهبله مو قولتلك امشي معايا فين رحتي ..
رامي استغرب مين دي المعصبه كذا ..طالع فيها بغرور : سلاااام بالأول ..
فرح طالعت فيه من فوق لتحت : خير ياخويا ايش عندك ؟؟
رامي مات قهر انها ماعرفته معقوله هوا الي البنات يتجننوا عليه دي الغبيه ماتعرفه..قال بخبث : كلميني بطريقه احسن من كدا انتي عارفه انا مين ؟؟
فرح ضحكت في نفسها >> مسكين يحسب انو لمن حيقلي مين هوا حطير عليه لكن انا اوريك يارامي يازفت << : ايوا انتا داك الي مادري ايش اسمو الي في داك البرنامج التافه للناس الأتفه عارفتك مبين من صلعتك ..
رامي عصب وطالع فيها بحقد : اقوول اسمي رامي الـ****** تاج راسك والتفاهه الي تتكلمي عنها هيا الي وصلتني للنجوميه ..
فرح : ههههههههه تخسى لا إنتا ولا طابور زيك تاج راسي قال رامي قال خير ياطير وبعدين مره واثق من نفسك انتا بس لو تجرب يوم تصحى وتطالع في نفسك في المرايا والله انك حتشرد من البيت خخخخخ قصدي حتشرد من جلدك ...
رامي وقف ورفع اصباعه في وجهها : قد الكلام الي قلتيه ؟
فرح ضربت يده المرفوعه في وجهها بقوه : انا بنت الفارس لمن اقول كلمه ماتراجع عنها والي يرفع ايده في وجهي تنكسر ..
طالعت فيه من فوق لتحت وسحبت لمى من يدها ومشيت عنه ..
لمى بصدمه : انتي مجنونه تعرفي هادا ايش ممكن يسوي فيكي ..
فرح : ههههههههه ايش يضربني بالمنديل ياشيخه سيبيكي منو رافع خشمو على خيابتو ..
لمى : طيب ليه سويتي كدا ماكان فيه داعي كان خصرتيه والله يافرووحه اني خايفه يسويلنا شي ..
فرح طالعت في عيون لمى بتحدي : انا فرح الفارس عارفه ايش يعني ؟؟ يعني لو اكبر شنب يوقف بوجهي بدعس عليه فاهمه ولا لاء ..
لمى سكتت ومشيت ورى فرح وهيا مرتبكه من رامي الي بين في نظراته الحقد والمكر يعني اكيد مو سايبهم في حالهم ..

جاه صوت من وراهم مبين فيه الهدوء والخبث : يابنت الفارس ..
فرح وقفت مستغربه ولفت عليه : خير ..
رامي مدلها كرت في رقمه : خذي ..
فرح ابتسمت بخبث واخذت الرقم منه قطعته ورمته عـ الأرض ودعست عليه بقوه : بنت الفارس ماتكلم أشكال القرف دي ..
رامي رفع حاجبو وابتسم بخبث : رح يجي اليوم إلي تطلبيه مني صدقيني ..
فرح ابتسمت لحد مابان آخر ضرس بفمها : حلم إبليس بالجنه ..
مشيت عنو وسحبت لمى من يدها ..
رامي : آآووه صح انتي ياحلوه ماتبغي توقيعي هههههه
لمى خافت وماردت عليه مشيت مع فرح الين اختفوا عن أنظار رامي إلي كانت تحدق فيهم بمكر وخبث ونظرات لها معنى خطيـر ..

@@@@@@@@@@@@@@@@@@@

وفي الريـآضٍ ..
في إحدى حواريها الضيقه وشوارعها الصغيره .. بيت أم نوره القديم ..
نوف : يمممممممممه يممممه آآآآآآآآآآآآه يمممه شوفيها ..
نوره تزيد قبضة يدها على شعر نوف : تستاااهلين ياحماره وين الكحل حقي هااا طلعيه الحين ابيه ..
نوف : آآآآي يممه لحقي علي بتموتني ال* نوره يمممممممممه ابعدي عني ياحماره مادري وينه ..
أم نوره دخلت عليهم الغرفه معصبه : وش فيه بزارين انتم نووره وش تسوين اتركي شعرها قولولي بالله عليكم كل وحده فيكم كم عمرها وش خليتو لخواتكم الصغار ..
نجود تطالع في امها باستنكار : مين قلك ان حنا صغار انا اسبوعين وبخلص الـ 16 ..
ندى : يعني بزر ..
نجود : لا ارحمينا يالكبيره انتي انقلعي أشوف مسويتلي المثقفه رائدة الفضاء وعالمة الفلك ..
ندى : ههههه يقلك إلي أكبر منك بيوم أعلم منك بسنه ..
نوف : آآآه يممه خليها تترك شعري ..
نوره : ههههههه وربي لا أطلع قصتك ذي في يدي لو ماطلعتي الكحل ..
نجود عاد قامت بتفزع مع نوره : إييييه طلعيه ياحراميه حتى روجي ذاك اليوم خذتيه ولا رجعتيه ..
نوره : أيـــوه ياخطـآآفة الرجــآآآآله ..
نجود تقرص نوف في كتفها : طلعي الكحل أشوف مين يشتريلنا غيره بعدين هاااااا الكحل الأزرق خلص مابقى إلا ذا طلعييييه تراه ماركه
ندى : هههههههه إييييييه هين ماركه مو ذا الكحل ابو 5 ريال ..
نجود طالعت في ندى : لا ياغبيه ذا ماركه ب 60 ريال تقاطينا فيه ..
نوف تعض نوره في يدها : بس يا* زودتيها قلتلك مو معي ..
أم نوره تصرخ على بناتها : وربي ماتستحوون تتهاوشون قدامي ولا عامود كهرباء عندكم .. اتركي شعر اختك وروحي شوفي القدر عالنار لا يحترق الغدآآآء ..
نجود : يمه وش مسوين اليوم عالغدآآء ودي في كبسه ..
نوف تفرك راسها الي صار يحرقها من شد نوره : حسبي الله عليك وربي اوريك هين يانووووير وربي مردووده ..
ام نوره عصبت منهم طلعت من الغرفه وقفلت الباب ..
نجود : يلا وينه طلعيه ولا ودك في مهاوشه ثانيه ..
نوف : اقول ضفي وجهك يالبزر ماني برايقتلك مو كفايه الخايسه اختك البققققققققره ..
نوره : أنا بقره يا كويحه ..
ندى تبتسم بخبث : تصدقووون شكله كحل ضد الماء على قولتهم ..
نجود ونوره طالعوا في ندى وبققوا عيونهم @@..
ندى خافت من نظراتهم وراحت تجري عالسطح ..
نوره تجري وراها : هيييين يالشينه انتي الي ماخذته وانا أسئل عليه من يومين تعالي هنا وربي لا أطلع مصارينك ..
ندى تصارخ : لاااااااااااا ياماما يمممه خلاص والله توبه اهئ اهئ ..

نوف قامت ودخلت لغرفتها المشتركه مع نجود ورمت نفسها عالسرير وطالعت في سقف الغرفه الي بدأ لونه يروح والبويه فيه تتشقق .. تطالع فيه بحسره وألم نظرات حزن وحـرمان : آآآآآه يايبه تعبت بدوونك والله عيني مشتاقه لشوفك بس هذا المستحيل بعينه ..

@@@@@@@@@@@@@@@@@

ردووو ياحلوين واكمل

شكلكم مو رادينـ

بكيفكم !!

يلاااا ابكمل

محمد بصدمه : فيييييييييييييييصل ..
فيصل يفرك عيونه بكسل : همممم
محمد : قوم قوم يابو الشباب ليه نايم هنا ومتى جيت وش السالفه صاير شي ..
فيصل صلح جلسته عالكنبه ويحك راسه ويتثااوب : مافيه سالفه بس امس سيرت عليكم ولقيتكم نايمين ومابه أحد يرجعني للبيت قلت أنام عندكم ولا طلع الصباح يصير خير ..
محمد : طيب طيب خلاص قوم اطلع نام فوق الغرف كثير ..
فيصل ماكذب خبر وقف واخذ شماغه الي كان متغطي فيه وشكله رايح فيها : انزين شوفلي طريق ..
محمد : اوكي تعال ..
محمد بصوت عاالي : طريييييق ياهووو ..
حلا من سمعت صوت اخوها افتكرت الي صار امس وصارت ترجف بدون سبب تحس انها بتبكي راحت تجري لغرفتها وقفلت على نفسها الباب : الله ياخدك ياغبيه والله لو درى اخوي لا يذبحني بس وش اسوي هو الي داخل كذا كأن البيت بيته ماهو بذنبي ..

@@@@@@@@@@@@@@@

جود بتثاوب : يممه وش فيك قلتلك ماني برايحه اليوم ليه تقومني؟
ام جود : قومي يالثوره الساعه صارت 10 أي مدرسه الي بتنتظرك لحد الحين ..
جود : اجل وش حقه تقوميني ..
ام جود : قومي جايينلنا ناس كبار ..
جود : اووف يمه أي ناس هاللحين وش هالعالم الفاضيه ..
ام جود : قومي يلا وعن الحكي الماسخ ..
جود شويه وبتبكي : يووه يممه بليز فيني النوم ..
ام جود فتحت الستاير وطفت المكيف : قومي يلا استقبلي ضيوفنا وبعدين نامي بكيفك بس اهم شي تكونين موجوده يوم يجون ..
جود في نفسها >> يارب يموتون في الطريق اوووف << ..

قامت غيرت ملابسها بدون نفس وماحطت شي في وجهها وخلت شعرها كشه على طبيعته ونزلت تجلس مع الحريم وتسمع هرجهم الممل .. ومن بعدها رجعت لغرفتها ودخلت للشات ..

ღ ೋೋಈ ̶ ̷ಈ● غـرٍآآم..: هلا والله جنووو كيفك ياعسسسل ؟؟
::":: جـنآآن::":: : تمــمآآآز انتي كيفك ياحلوه ..
ღ ೋೋಈ ̶ ̷ಈ● غـرٍآآم ..: دوومز يارب .. انا بخير الحمد الله قوليلي كيف دراستك ؟
::":: جـنآآن::":: .. : الحمد الله والله ماشي بس وش حر اليوم وربي رجلي احترقت ..
ღ ೋೋಈ ̶ ̷ಈ● غـرٍآآم..: ليش الأخت تمشي حافيه ولا تدرسين عرض أزياء ؟؟
::"::جنـآآن::":: ..: ههههههههه لاء بس عارفه لزوم الشياكه لابسه كعب ..
ღ ೋೋಈ ̶ ̷ಈ● غـرٍآآم ..: خخخخخخ وربي شمس السعوديه تقمر الواحد ..
::":: جنـآآن ::":: ..: هههههههههههههه تيب وانتي وش مسويه في دراستك ؟
ღ ೋೋಈ ̶ ̷ಈ● غـرٍآآم.. : هههههه خليها على ربك بس والله اليوم مارحت للمدرسه مالي خلق ..
::":: جنـآآن::":: ..: لييييييييه ؟؟ حرام آخر سنه لازم تشدين حيلك ..
ღ ೋೋಈ ̶ ̷ಈ● غـرٍآآم..: اقوولك جنوو انقزي لسطحي أبيكي بسالفه ..
::":: جنـآآن::":: ..: رجلي تحرقني انقزي انتي ..
ღ ೋೋಈ ̶ ̷ಈ● غـرٍآآم..: ههههههههه طيب ..

..::":: تابع الجـزء الأول ::":: ..

وفي جـدهـ..

في أحد الأحياء الراقيه والبيوت الكبيره إلي بفخامتها ورقيها تقهر أفخم القصور ..
فراس يصرخ : اميييييييييييييييييييييييييييييييي مااااما اميييييييييي أي احد ..
فرح نزلت تجري على صوت فراس المخيف : ايش فيه فيروو اشبك ليه تزعق ..
فراس يناهج وانفاسه متقطعه : فرح الحقي عليا اخووي فايز ..
فرح قلبها طاح في بطنها : فايز اشبو ؟
فراس طاح عـ الأرض ونزلت دموعه حس بانهيار فظيع كل الي بيصير ماكان في الحسبان ..
فرح صرخت ونزلت لمستواه : فراس ايش فيه فايز اشبو قلي يافيروو ايش صاير ؟
فراس يطالع في اخته كأنها فراغ يطالع في عيونها كأنها بحر ..بحـــر بلآ نهـآيه ..
نزلت أم فرح تجري وشافت ابنها جاثي على ركبه في الارض ودموعه على خده طاح قلبها : فراس حبيبي ياامي ايش فيك ايش سار ؟
فراس غمض عيونه وحاول يضبط أعصابه : ولدك ياأم فايز ولدك ..
ام فايز نزلت دموعها حست بطعنات قويه في قلبها من قبل ماتعرف ايش صار : اشبو فااااايز فراس اتكلم انطق ..
فرح تبكي :فراس الله يخليك قول اخويا ايش فيه فين فايز فينو ؟
فراس نزل راسه بحزن : أمي ..فرح ..فـآيز بيفارق الدنيا بعد أيام ..
ام فايز بصدمه : ايييش تقول ؟
فراس وقف ودموعه ماخذه طريقها في النزول : فااايز ياامي ذبح سالم ولد عمي ومحكوم عليه بالأعدآم وسامي وعمي حالفين مايتنازلوا..
ام فايز حست الدنيا تدور فيها مو مستوعبه فراس ايش بيقول طاحت عـ الأرض مغمى عليها ..
وفرح تطالع في عيون فراس بشك تبغه تلاقي فيهم مخرج أو أي أمل بس للآسف الحاله الي فراس فيها ودموعه الي فرح ماقد شافتها تأكد إنه الأمل عند رب العالمين ..

@@@@@@@@@@@@@@@

وفي الريـآض ..
جوود في غرفتها رافعه صوت المسجل عالأخير .. أغنية "غمض عيونك" حقت راشد الماجد ..
وترقص عليها بالشورت الابيض الاستريتش والبادي الأصفر وفاكه شعرها الكيريلي ومخليته على طبيعته يتحرك مع حركاتها ..
غمض عيونك حبيبي غمض عيونك .. بقول لك شي بس اسمعني بقلبك .. محتاجلك في حياتي ماقدر بدونك ..أو بختصرلك واقول احبك احبك ..
ويقطع عليها اندماجها مع الأغنيه ومزااجها الي كان رايق دقت الباب ..
طققق طق طقققق ..
جود رخت صوت المسجل ..: نعععععععم ؟؟
ام جود : يلا ياماما الغداء ..
جود : اوكي مامي الحين نازله ..
غيرت ملابسها ونزلت تتغدى مع أمها ..
جود : اقوول ماما
ام جود : نعم ..
جود : فيه بنيه تعرفت عليها من الشات ومره طيبه ياحليلها وودي احاكيها تلفون وش رايك ؟؟
ام جود طالعت في بنتها بتساؤل : انتي متأكده انها بنيه ؟
جود : ايييه يمه ايم شوور اصلا مافيه شك اسلوبها مبين وكلامها وقصة حياتها ..
ام جود بعدم اهتمام : انزين حاكيها وش عليه ..
خلصت جود غداها وطلعت تجري لغرفتها قفلت على نفسها الباب واخذت جوالها ودقت عـ الرقم ..

ومن الجهه التانيه .. حلا في غرفتها غارقه في بحر احلامها وافكارها .. تحس قلبها بين يوم وليله نبض فرح وسرور تحس انها ملكت هالدنيا كلها من بعد ماشافته شافت فارس الأحلام الغير منتظر شافت رجولته وشهامته في عيونه شافت الحنان والدفئ في ابتسامته .. ابتسمت ابتسامه من غير عادتها ابتسامه تنبض حب وعاطفه ..

نقزت على صوت نغمة جوالها العاليه ..
حلا شافت الرقم غريب عقدت حواجبها وردت بهدوء خاصة انها مو متعوده عالمكالمات الغريبه : الوو..
جود من الطرف التاني مرتبكه : الوو ... السلام عليكم ..
حلا استغربت صوت بنت اول مره تسمعه : وعليكم السلام ..
جود بتردد : انتي جنان ؟؟
حلا زاد استغرابها : مين جنان ؟؟
جود دارت زلة لسانها : قصدي حلا ..
حلا : أيه مين معي ..
جود ابتسمت : انا غرام ؟؟
حلا دوبها تفتكر : اهلييييييييييييييييييييييين هلا والله ماعرفتك ؟؟
جود بابتسامه هاديه : هلا فيك ههههه اكيد ماراح تعرفيني وش الذكاء الخارق الي فيك ..
حلا ارتاحت نفسيتها لمن اتاكدت انو جود بنت كانت مرتبكه وخايفه كل هالايام من انها اعطت رقمها لولد وهيا اهلها محافظين شويه : هههههههه زين ماطلعتي بلحيه ..
جود باستهبال : لاء ماني بلحيه بسكسوووكه خخخخ
حلا : هههههههه كيفك ؟
جود : تمـآم انتي وش اخبارك ؟
حلا : تمـــآآآم وش مسويه في دراستك ؟
جود : زينه ..
حلا : غريبه داقه الحين من متى معطيتك الرقم ..
جود : هههه بصراحه كنت خايفه تطلعين شاب مفتول العضلات خخخخخ
حلا : هههههههه ...انتي اسمك غرام ؟؟
جود : ههههه لاء
حلا : اجل ؟
جود : اسمي جود ..
حلا : عاشت الاسامي ..
جود : تسلمين وانتي من جد اسمك حلاوه ..
حلا : هههههههه ايه حلا ..
جود : حلو اسمك ؟
حلا : ههههه عيونك الحلوه .. تصدقين صوتك مو لايقلك ابدا ..
جود : ليش شفتيني وانا مدري ..؟
حلا : ههههه لاء بس كنت متوقعه من عربجتك ورجتك الي بالشات ان صوتك يكون اتخن شوي ..
جود : هههههههه لا تغرك المظاهر ..
اندق باب غرفة حلا ..
حلا ارتبكت : انزين جود احاكيك بعدين اوكي ..
جود : اوكي بس الحقي على خطيبي لا تخليه ينتظر كثير عند الباب ..
حلا باستغراب : خطيبك ؟؟
جود : ايه مو انتي قلتي بتزوجيني اخوك ؟؟
حلا : ههههههههاااي الله يرجك طيب يلا عن اذنك مايصير اخلي حبيب القلب ينتظر كثير ..
جود : ههههههه اوكي وسلميلي عليه ..
حلا : اوكي باي ..
جود : بايات وعاش من سمع صوتك ..
حلا : عاشت ايامك مع السلامه ..
دخل محمد معصب : وش فيك انتي ماتفتحين الباب من كنتي تحاكين ؟
حلا : صديقتي ..
محمد : اممم انزين الغداء جاهز بتنزلين ؟
حلا بتردد : وولد عمي ؟
محمد باستغراب : وش عرفك انه ولد عمك عندنا ؟
حلا ارتبكت : لااا بـ..ـس سمعتك تحاكيه و....
قاطعها محمد : اوكي موب مشكله انزلي نتغدى ماعليك البسي شي طويل واتحجبي ..
حلا وجهها انقلب مية لون مو متعوده تجلس مع عيال عمها ولا تواجههم : اوكي ..
محمد ابتسم وقرب منها باس راسها بحنان : الله لا يحرمني منك ياشيخه ..
حلا بخجل نزلت راسها : تسلم ..
محمد : فديت الي تستحي ياشيخه يلا غيري ثيابك وبلا دلع ..
حلا هزت راسها ..
طلع محمد وبعد دقيقتين اندق الباب ..
حلا : ميييين ؟؟
نواف بتريقه : عمك امييييين ..
حلا : هههه نواف ادخل ..
دخل نواف وشافها تلف طرحتها على راسها : على وين ياسيد الزين ..
حلا : هههه نوفاا بطل بياخه ..
نواف : انزين على وين ياست الحسن والجمال ..
حلا لفت عليه بخجل : ولا مكان بس بنزل اتغدى ..
نواف عقد حواجبه : وفيصل ؟؟
حلا باستغراب : فيصل مين ؟
نواف : ولد عمك ؟
حلا طالعت في نفسها وفي لبسها بارتباك : وش فيه ولد عمي ..
نواف رفع حاجبه بتفاجأ : يتواجهينه يعني ؟
حلا ارتبكت وحرارة جسمها ارتفعت : محمد يقول انزلي تغدي معنا مافيها شي ..
نواف بعصبيه : شلوون مافيها شي يعني ولد عمك يشوفك وانتي تشوفينه ؟؟
حلا نزلت دمعتها وقالت باستسلام : خلاص موب نازله ممكن تتركني لحالي ..
نواف حز في خاطره يكره يشوف دمعة اخته .. قرب منها ومسح دمعتها بيده الكبيره : اسف يابعد قلبي موب قصدي بس أخاف عليك من نسمة الهوى ..
حلا ابتسمت بحنان : طيب خلاص ماني بنازله بس بشرط ..
نواف : تتشرطين مع وجهك ..
حلا : نوفاااا بلييييييز ..
نواف : اول شي انا اسمي نواف ويوم تدلعيني نوفا كأنك تدلعين وحده من صديقاتك ..
حلا : طيب خلاص نواف بلييييييز ..
نواف : وش تبين ؟
حلا : امم ابي ديليفري من ماك ..
نواف : والغداء الي مسوينه ؟
حلا : يوووه مو تقول لا تنزلين كيف اكل يعني ؟؟
نواف : قولي لوحده من الخادمات تطلعلك اكلك هنا ..
حلا : يووه نووفا بليز ..
نواف وهوا بيطلع : انزين خلاص قولي لواحد من السواقين يروح يجيبلك ..
حلا : ميــــــــــرسي ..
نواف : حقك ياإيطاليه ..
حلا : خخخخخ نوفا أي ايطاليه هذا فغانسيه ..
نواف يحك راسه باستهبال : مين هذا أخو بيونسيه ..
حلا : ههههههههههه ..
نزل نواف لمائدة الطعام إلي بالدور الاخير ..
محمد باستغراب : وين حلا ..؟
نواف طالع في اخوه بنظره غريبه ..
محمد فهم قصده بس ماهتم : جوولي جووووولي ..
جولي : نأم بابا ..
محمد : روحي نادي حلا من فوق خليها تنزل تغدى معنا ..
نواف بنبرة غضب : حلا ماتبي تغدى ..
ابو محمد : وش فيكم وينها حلا ؟
نواف : يبه حلا ماتبي تاكل بالقووه هو ..
اما بالنسبه لفيصل فكان ميت جوع ومو داري عن الي يصير حوله همه بطنه الي بتطلع اصوات حربيه وبس ..
محمد طالع في نواف بتهديد : جولي نادي حلا بسررررعه ..
نواف سكت وقال بيتفاهم مع اخوه بعدين ..

_-_-_ بعد أسبوع _-_-_

في بيت فـرح الوضع مايسر ..أم فرح إلي هي " ام فايز " حالتها النفسيه سيئه لابعد الحدود خلاص أهل القتيل رافضين يتنازلوا وفايز بيروح عنهم بعد يومين بس .. خلاص فايز بيفارق الدنيا بيندفن تحت التراب بيلبس الكفن ويلتحف فيه .. أما بالنسبه لفرح واخواتها واخوانها فحالتهم مررره زفت كل واحد بغرفته يشكي همه ومصيبته لربه الي مالهم غيره ..
في غرفة فرح .. حالتها هالايام تدهورت بشكل فظيع نزلت 3 كيلو ماتآكل ولا تشرب ولا تنام وشكلها صار يفجع ..
فجر : خلاص يافرح خلااااص ادعيلو وصلي ركعتين لربك بدال ماتبكي كدا الدموع محاتسوي شي ..
فرح تصرخ : فجرررررررر اخويا بيمووت اخويا حيرووح خلاص فااايز حيسير بحححح مافيه شي اسمو فاايز فاهمه ولا لاء يعني بنصير 6 مو 7 واحد مننا بيروح بيمووت بيختفي من حياتنا تعرفي ايش معنى دا الكلام ولا مخك مقفل كيف تبغيني اهدأ كيييييف ..
فجر نزلت دموعها الي كانت حابستها طول هالايام : خلاص يافرح بلييز الي فيني كافيني انا جيتك ابغاكي تخففي عني مو تزيديني ..
فرح تبكي بشهقات وغصات ..
دخل عليهم فهد .. شاف حال اخواته حس بسكين تنطعن في قلبه كان متأكد انو اذا راح فايز بتروح كل بسمه بهالبيت وكل فرح .. بتموت كل اللحظات الحلوه وايام الفرح والسعاده ..
فهد بجديه : بناات يلا الغداء ..
فجر : مين لو نفس ياكل ..
فهد : يابنت انتي وهيا مايصير كدا شوفوا اشكالكم كيف هياكل عظميه مو أوادم ..
فرح تصرخ : فــــــــــــــــــــــهد اطلع برى مابغه اكل مابغه اشوف احد .. حـــرام عليا احط لقمه في فمي الين يرجع فايز واشوفو بعيوني ..
فهد طالع فيها بحزن ورخى راسه وقال بهمس ماوصل لأذن أحد غيره : هذا المستحيل بعينه ..
طلع من الغرفه ودموعه على طرف عينه اخوهم وحبيبهم وأبوهم بيرحل عنهم خلاص كبير هالبيت بيبات تحت هالأرض .. ماتحمل هالفكره ولا هوا قادر يتخيل البيت بدون فايز طلع بسرررعه من البيت وشخط بالسياره ومالقى نفسه الأ قدام بيــــت عمه أبو سالم ..

دخل عليهم بدون لا إحم ولا دستور ..
اتفآجأوا كل الي كانوا جالسين بالصاله المفتووحه ..
وقف واحد من الشباب واعتفس وجهه والدم كله اتجمع في راسه لمن شاف فهد ..
سامي : انقلع برىىىى ايش جابك ايش تبغه خلاص كلمه وقلناها ومحنا مغيرينها فااااهم ولا تحب افهمك على طريقتي ..
فهد غمض عيونه بقوه : سامي ارحم أم تموت كل دقيقه في بعد ابنها ارحم خوااااته ياسامي محرمين على نفسهم اللقمه في بعده ..
قاطعه سامي : هههههههه وانتا اخوك مافكر في امي قبل مايذبح اخوي مافكر ايش بيصير فينا مافكر ايش بتكون نهايتو هاااا رد عليا انا امي الي لها اسبوع طايحه بالمستشفى من الصدمه واخواتي الي تدهورت صحتهم وحالتهم مين بياخذلهم حقهم والله حالف لا اخذ بثار اخوي لو كلفني حياتي واحلم اتنازل سااامع ولا لاء يلا اطلع برى ولا عاد اشوف وجهك منتا ولد عمي ولا اعرفك ساااامع ..
فهد بقلة حيله رفع يده للسماء ودعى دعااء من قلبه : يارب انك تفرج هم اخوي وتسامحه ..
سامي بصوت عالي : انقلع ايش تستنى ..
طلع فهد يجرجر حزنه وآلامه خلاص فقد الامل ..

::"::.. الجزء الثاني ..::"::
.. في الرياض .. في بيت ام نوره ..
نوره : نووفه حالتنا تدهورت تصدقين الثلاجه مافيها قطعة عيش ..
نوف بقلة حيله : وش تبينا نسوي يانوره انتي وتشتغلين ليل مع نهار من وين نصرف على نفسنا نسرق يعني ..
نوره : لاء ما نسرق بس انتي دوريلك شغله شيلي شوي من الهم الي على كتوفي انا وامي .. حرام عليك يانوف امي ماتنام الليل تسهر تخيط هالخلاجين وتبيعهم وانا ليل مع نهار اشتغل ارحمينا الله يرحمك قومي تحركي شوفي أي شغله نتر* الله منها ..
نوف تنهدت : انتي اكثر وحده تدرين اني دخت ادور على شغل ومالقيت يعني وش تبيني اسوي اطر ..
دخلت عليهم نجود : من جد بيت فقر بطني تنسمت من الجوع ومو لاقيه زيتونه اكلها ..
نوف جات على بالها فكره قامت لبست عبايتها بسرعه ..
نوره : بسم الله وش فيك على وين رايحه ؟
نوف : مالكم شغل اذا رجعت امي قولولها اني رحت مشوار صغير والحين راجعه .. طلعت من البيت بدون ماتتركلهم فرصه يردوا .. مشيت على رجولها وراحت لمحل قريب من بيتهم يبيع كيك وحلويات ..
نوف : السلام عليكم .
. الخباز: وعليكم السلام آمري اختي .
. نوف : لو سمحت انا جايه ادور على شغل .
الخباز باستغراب : شغل ؟؟؟
نوف تتميلح : امم أيـوه يعني قلت لو انكم محتاجين احد يسويلكم كيك وحلويات او أي شي تبونه ونبيعه هنا
الخباز : لا ياأختي مشكوره موب محتاجين شي ..
نوف : اممم ترى على مستوى موب أي شي ..
الخباز : ياوخيتي قلتلك مانبي شي ..
نوف : طيب تقدرون تعلموني الوصفات وطريقة الخلطات وانا اسويهم بالبيت وارسلهم كل يوم على هنا وش رايك ..
الخباز بتردد : وين بيتك انتي ؟
نوف تنعم صوتها وتتميلح تعرف العيال مايجون بالقوه لازم الدلع والمصاخه : بيتنا ثاني بيت عاليسار في الحاره الي بجنبكم ..
الخباز : انزين تعالي بكرا وانا اشوف ..
نوف : فكر زين ترى محد خسران غيرك ..
الخباز : خلاص ابشري بكرا تعالي ونتفاهم .. رجعت للبيت وهيا شبه مبسووطه اخيرا بتلاقي شغل ولو انها كانت تتمنى شي على مستوى ارقى من كدا يعني لو عالاقل تشتغل بصالون تغسل شعور أو حتى تبيع بأي محل للنساء بس هذا مستواهم وهذا الي يقدروا عليه .. من دخلت للبيت امها كانت في انتظارها ..
ام نوره : بدري ليه استعجلتي ..
نوف بفرحه : يممممه تخيلي بشتغل .
. ام نوره باستغراب : تشتغلييين ؟؟ وين ؟؟
نوف بحماس فصخت عبايتها ورمتها جنبها واتربعت عالبسطه الي بالحوش : تعرفين محل ابو علي الي جنبنا حق الحلويات ..
ام نوره : ايه وش فيه ؟ نوف : ايه هذاك يمه رحتلهم وطلبت شغل عندهم قالولي تعالي بكرا وبنتفاهم ..
ام نوره : وش فيك انتي خبله وش تشتغلين ؟؟
نوف : يممممه بيعطوني الوصفات حق الكيك وانا بسويهم هنا بالبيت وارسلهم ..
ام نوره : طيب وحق الدقيق والسكر والخلطات مين بيدفعهم ..
نوف : مادري يممه لسه ماتفاهمنا بكرا العصر بروحلهم ..
ام نوره : الله يوفقك يابنيتي .
. نوف راحت تجري لغرفة نوره وندى : نوووره نويييير ..
نوره : وجع وش فيك خرعتيني .. نوف تنط عالسرير : تخيلي صرت موظفه ..
ندى : اوووما موظفه مره وحده .. نوره بتريقه : موظفه ؟؟ في أي بنك ان شاء الله ..
نوف : تتطنزين مع وجهك ؟؟ بشتغل في مخبز ابو علي ..
ندى : ههههههههههههههههههاااااي .. نوف عصبت : ليش تضحكين ماقلت نكته ؟
ندى : وش تشتغلين يامجنونه عسى بترسمين لك شنب وتلبسين ثوب سواق ام رهيف وتبيعين مع علي ..
نوف : هيهيي دمك مرره خفيييف زيديه مويه شوي بعد .. من جد انا بسويلهم هنا الحلويات وبرسلهم ..
نوره : من جدك انتي ؟ نوف : ايييه بس يقول تعالي بكرا نتفاهم اكيد بيشاور ابوه ..
نوره : يلا الله يوفقك عالاقل تشيلين من الي على كتوفي شوي .
. ندى : ايييه شدي حيلك عشان نصير من اصحاب الماركات ..
نوف بحسره : عشم ابليس بالجنه ..
نوره : هههههههههه ندى طالعت فيها مستغربه وضحكت معها بدون سبب: هههههههههههههههههه نوف : وش فيكم هههههههههههههههههه .. ندى ونوره انبطحوا من الضحك : ههههههههههههههههههههههههه نوف تضحك ماتدري ايش السالفه ولا هما مايدروا يضحكوا على همهم وحزنهم وحالهم يضحكوا يبغوا ينسوا شويه من آلامهم : ههههههههههههه .. ندى : هههههههه قال ماركات قال هههههه حدنا ابو ريالين ويخب علينا .
. نوف : ههههههههه ولا تذكرين يوم اني صغيره واقول لامي يوم اكبر أبي اتزوج واحد غني ونسكن بقصر هههههههه وبسكنكم معي لااااا ومن الطموح العالي بتبنى يتامى وأسكنهم معي ههههههههههههههههههههههههه وربي اننا نكته .
. نوره : هههههههههههه ولا ندى الغبيه يوم انها بزر ودها تصير محاميه ..
ندى : هههههه ايه انا وقلمي الي كنت احطه ورى اذني على بالي المحامين يسوون كذا وانتي تحطمين فيني تعطيني المتر وتقولين قيسيلي وسطي هههههههههههه
نوف : ايييه من جد حاطه القلم ورى اذنك وربي كنت تشبهين الخياط ابو محمد هههههههههههههه دخلت عليهم نجود : خير وش فيكم ليه تضحكوون ؟ نوف : جتنا البقره الصفره
.. ندى ونوره :ههههههههههههه نجود : اقول ضفي وجهك ياأم سبعه وسبعين نوف : خخخخخخخ ياحليلك يوم تغارين مني ومن جمالي ..
نجود : هيهيهي سوو فني ..
وفي بيـت حلآ ..
حلا : يمممممه يمممه وينك ؟؟ ام حلا في الصاله الكبيره جالسه على وحده من الكنبات وتقرأ مجله : هنا ياماما تعالي .. حلا باست راس امها : شلونك يمه ؟
ام حلا : بخير نحمده .. حلا : امممم يمه ابي اطلع للسوق اليوم وش رايك تجين معي ..
ام حلا : لا يمه مالي خلق روحي لحالك .. حلا : يممه والي يعافيك كل صديقاتي مو فاضين تعالي معي .. ام حلا : مره ثانيه حبيبتي الحين ماني برايقه .. حلا قعدت تحوس بأفكارها تبغه أي احد تطلع معاه المهم انها تطلع هيا خلقه ميته طفش ..
افتكرت جود فكرت تدق عليها وبعد تردد كبير اتصلت ..
جود : اهليييييين ياهلا والله حلا : هلا فيك شلونك ؟ جود : تمـآآم انتي كيفك ؟ حلا : بخير .. وش سويتي في دراستك ؟ جود : زينه الحمد الله عاد الاختبارات قربت الله يعين .. حلا : الله يوفقك ان شاء الله
جود : تسلمين انتي كيف دراستك ؟ حلا : والله ماشي .. جود :تغديتي ؟ حلا : ههههههه ايه .... اسمعيني جود فاضيه الحين ؟
جود : ايه ليه ؟ حلا بتردد : مادري قلت لو انك فاضيه نطلع للسوق مرره زهقاانه وواصله حدي.. جود بفرح : ياااااي وناااسه وين تبينا نروح؟ حلا : اممم انا كنت بروح للفيصليه ابي اشتريلي شي وش رايك؟ جود: خلاص انا بشوف السواق الحين وأطلع لهناك اوكي... حلا: اوكي لا وصلتي كلميني .. جود : اوكي ياعسل باي حلا: بايات.. راحت حلا واتجهزت ولبست وجات بتطلع..
نواف : علىىى وين ؟؟ حلا لفت عليه بارتباك: اا..اا طالعه للسوق ؟ نواف : مع مين؟
حلا: م...م...مع صاحبتي.. نواف سند ظهره عالباب ورتب سكسووكته : مين صاحبتك هذي دانيه ؟؟ حلا: لا لا ذي وحده ثانيه نواف : وين رايحين ؟ حلا : الفيصليه ؟
نواف : وبتطلعين لحالك مع السواق امي وينها ؟ حلا تتأفف في نفسها : امي مالها خلق تطلع وبعدين انا ماني متاخره ساعتين وراجعه ..
نواف : مافيه روحه .. حلا بصدمه : نواااااف .. نواف يقلد دلعها ونبرة صوتها : حلااااااااااا ... وين قاعدين حنا بتطلعين لحالك مع السواق مافيه لو تطيرين .
. حلا : يوووه نووفا الله يخليك لي ابي اطلع ..
نواف : انزين انا اوصلك واشوف صديقتك هذي اذا عجبتني اوكي اما اذا لاء فبترجعين معي ..
حلا >> لاااا احلف .. خخخخ لو تعرف انه انا مادري كيف شكلها اذا بتعجبني ولا لاء << : طيب .. نواف فتح الباب : يلا اتفضلي .. طلعت حلا مع نواف بعد مارمت طبقه خفيفه من الطرحه على وجهها عشان تسكت اخوها .. في السياره .. نواف : حلا
حلا تدور بين الاشرطه على شريط راشد الماجد الجديد : نعم نواف : وين نقابك ؟ حلا طالعت فيه باستغراب : من متى انا البس نقاب ؟ نواف : اا .. اقصد ليش ماتتنقبين مثل امي ؟
حلا بتردد : ماحب اتنقب مارتاح فيه .. نواف بجديه : اسمعي من اليوم ورايح مابي اشوفك كذا تتنقبين وتشيلين هالغطاء الي زي قلته .. حلا : بس انا مـ........ نواف بحده : كلمه وقلتها
.. حلا سكتت ولفت وجهها عالشباك متنرفزه من اخوها ..
@@@@@@@@@@@@@@@@

وفي بيـت حلا ..
البيت هاادئ كالعاده محمد بالشركه ونواف يذاكر وحلا ياإما عالشات او تتفرج تلفزيون وأبوها مسافر وأمها طبعا طالعه ماتجلس بالبيت ..
نواف : اقوول حلاا
حلا : هلا
نواف : صديقتك إلي قبل امس طلعتي معها ؟؟
حلا : ايه وش فيها ؟
نواف : شكلها اصغر منك صح ؟
حلا : ليش شايفني عجووز ؟
نواف : ههههه لا والله مو قصدي بس مبين انها صغيره ؟
حلا : ايه عمرها 18 ..
نواف : اهاا ومن وين تعرفيها انتي ؟
حلا ارتبكت : ا...هـ.... ااا ..أخت صديقتي ..
نواف : اهاااااا ..
حلا : بس ليش تسأل ؟
نواف : لاء بس استفسر ..
حلا : طيب يابو الاستفسارات انت ..
دخل عليهم محمد : السلام عليكم ..
نواف و حلا : وعليكم السلام ..
حلا تطالع في شنطة الملابس الي شايلها محمد ومستغربه : مسافر ؟؟
محمد يتنهد : اييييه ؟؟
نواف : وين عسى ماشر ؟
محمد : لاء بس ولد خالة صديقي مشعل اتوفى وبطلع معاه لجده ..
نواف : الله يرحمه ومتى راجع ..
محمد : بعد كم يوم اخذت اجازة ووصيت فيصل عالشركه وبعدين عمي مو مقصر ..
نواف : رايح الحين ؟
محمد : ايه يلا مع السلامه ..
نواف : تروح وترجع بالسلامه يالغالي ..
محمد : الله يسلمك ..
وحلا من سمعت اسم فيصل سرحت بافكارها وبمشاعرها الي بدأت تكون احساس غريب من يوم ماشافت ولد عمها ..
أما محمد فمر على بيت مشعل واخذه من هناك وراحوا للمطار ..
محمد : الله يرحمه ويسكن روحه الجنه ..
مشعل : امين يارب بس والله مايستاهل الغالي ..
محمد : طيب وانت ماعرفت وش السبب الي خلاه يذبح ولد عمه..
مشعل : لا والله مادري عن شي اصلا مادريت بالخبر الا اليوم محد جبلي سيره ..
محمد : الله يكون بعونكم ان شاء الله ..
مشعل : الله يسهل ..

في بيـت جود الجو كان من نووع آخر ..
جود عالماسنجر ورافعه صوت الاغاني رااجه البيت ..
كانت تكلم واحد اتعرفت عليه من الشات صارلها 3 شهور تعرفه واليوم اعطته ايميلها ..
جود : هههه اقول ماسنجر ويخب عليك لا تفكر بشي اكبر من كذا ..
رابح : اييييه ان شاء الله صدقيني بيجي اليوم الي تطلبين فيه انتي بنفسك تشوفيني
جود : ليش تبيني اموت بسكته قلبيه ..
رابح : بسم الله عليك يابعد قلبي ..
جود : اقول لا تكثر بياختك عشان لا أهفك ببلوك يلصقك بالجدار سامع ..
رابح : لا لا الا البلوك مابغيناه ..
جود : خلاص اجل حط لسانك بفمك وقفل عليه ..
رابح : من عيوني يالغلا ..
جود : برب ..
رابح : تيت ولا تطولين علي اتعذب في بعدك ياعيوني ..
قامت من عالكمبيوتر وواصله حدها من سخافة رابح .. وماتدري انه هالاشكال الي زي رابح تقدر بضغطة زر تخترق كاميرتها ..
رفعت الصوت زياده على اغنية " سواها قلبي " لأصاله نصري وترقص عليها بحمااس ..
دخلت عليها امها : قصري عالصوت يامال الجرب ..
جود: اووف يمه ليش تدعين علي وش تبين ؟
ام جود : غيري ثيابك ام علي جايتنا ..
جود : يمه ومن متى حنا نستحي من ام علي كله قاطة وجهها عندنا ..
ام جود : بس هالمره معها جارتها ام نوره ..
جود : يووه يمه وانتي من وين تلمين هالفقاره كانه ناقصين ..
ام جود : اقول لا يكثر هرجك وبدلي ثيابك وانزلي ..
جود : طيب خلاص ان شاء الله حاااااضر ..
ام جود : انتظرك لا تأخرين ..
جود : الحين الي يسمع يقول من هالعرسان الي صافين طوابير عند الباب ..
ام جود : مو انتي لو تتسنعين وتتعدلين كان العرسان من اول الحي لآخره
جود تهز وسطها عالاغنيه بدلع : ليش وش فيني انا والله اني اخبببل ..
ام جود : تخبلين ماقلنا شي بس شوفي تصرفاتك شلون البزارين مايسوونها ترقصين ولا كأنه احد هامك مستهتره في كل شي ..
جود : يمممه ابي اعيش حياتي وش فيك ؟
ام جود : خلاص طيب اتفاهم معك بعدين الحين خلصينا وانزلي ..
جود بتافف : حاضر من عيوني ..
دفت امها برى الغرفه وقفلت الباب : هههه سوووري
ام جود : محد مطلع روحي بهالدنيا غيرك ..
جود تصرخ من ورى الباب : بسم الله عليييييك ياأحلى ام بالدنيا ..
ام جود تعوج بفمها يمين ويسار : عشتووووا ..

@@@@@@@@@@@@@@@@@@
وفي مكان ثاني ..
صوت الأغاني راج الاستراحه والسهر والشرب والبنات والرقص كان جو الحفله ..
نجود : فارس وين رايح ؟
فارس : دقيقه ياعمري بس اقولهم يغيرون هالاغنيه نبي شي سلوو عشان نرقص عليه ..
نجود : هههههههه طيب ..
وفجأه اتغيرت الموسيقى الرجه لموسيقى هاديه وكلاسيكيه ..
فارس سحب نجود ووقفها معاه وحط يده على خصرها وهيا رفعت اياديها على كتفه ..
فارس يهمس في اذنها : أحببببببك ..
نجود تبتسم بخبث اتعودت على مثل هلكلمات تنقالها ومتأكده انو كل الشباب يعتبروها اداة تسليه ليوم ولا ليومين وبعدين يرمووها ولا يسألوا عنها وهيا ماهمها كرامتها ولا شي اهم شي عندها الفلوووس .. الفلووس وبس ..

وفي جهه ثانيه من الاستراحه..
رائد : شايف الي اشوفه ..
سعود : ايييه عادي تعود وانا اخوك مافيها شي ..
رائد : لا يالدلخ اقصد فارس ..
سعود : ايييه شايف هذي خويته الجديده ..
رائد : هههههه ماشي عالموضه الأخو قبل أمس كانت معاه وحده بكشه وملامحها كبيره وغجريه والحين يرقص مع وحده كبر بناته لو عنده بنات ..
سعود يحرك كاس الخمر الي في يده : بس تصدق مملوحه ملامحها صغيره وناعمه شكلها رااايق مرره وفي نفس الوقت فللله ورجه يعني مايطلبه المشاهدون ..
رائد : ههههههه مابقى الا تقلي انها محترمه ياأخوي هالأشكال محد يمدح فيهم هذي على جهنم طوالي مافيه امل لا يمين ولا يسار ..
سعود : بس وانا اخوك مين مونسنا غيرهم خليهم ربي يزيدهم ان شاء الله ..
رائد : استغفر ربك بس ترضى وحده من خواتك تكون بهالمنظر ..
سعود : اعوذ بالله ياشيخ الحمد الله خواتي متربيات ويخافون ربهم مو مثل هذولي الفاجرات ..
رائد : الله يستر على خواتنا وبنات المسلمين بس ..
سعود : ايييييييه خلاص اقوول لا تعكر مزاجي ..
رائد : المهم انا طالع توصي شي ..
سعود : ايييه جبلي وحده من هالشقر الي هناك ودي فيهم ..
رائد : اقول ضف وجهك ويكفي البنات الي ضيعتهم خلاص اتقي الله ياخي ..
سعود : طيب يالمطوع اقضب الباب مالي خلقك..
رائد هز راسه باسف وجاه بيطلع من الباب صدم في نجود الي كانت راجعه من برى ..
نجود : سووري مانتبهت ..
رائد طالع فيها من فوق لتحت باستحقار : ماتخافين ربك انتي ..
نجود رفعت حاجبها : تبي ليله معي انطق بس لا تسويلي الي تخاف ربك انت ..
رائد اعطاها كف قوي صحاها : من جد تربيه زباله الله يخلف على ام جابتك على بالك بوصخ نفسي بوحده رخيصه ماتسوى فلس زيك يامستعمله الله يعلم كم واحد مسك استغفر الله بس الله يستر على خواتنا من جد اقولها ..
نجود : هههههه ماهميتني مسويلي راعي محشات وانت اطقع مااشوف ..
رائد : هههه هذا تفكيرك محشاات هاا ماتخافين ربك الي يشوفك من فوق سبع سماوات انتي من شكلك مبين ماخلصتي الـ 18 وضايعه لا وصلتي العشرين وش بتسوي أظن انك بتفتحين لك بيت دعاره يا... يا .... استغفر الله بس ..
تفل بوجهها وطلع بسرعه ..
نجود تمسح وجهها بظهر بكفها : ** في وجهك ..
رجعت لفارس ..
وكالعاده مشي الفيلم الين وصل للنهايه ... ضياع شرفها لميات المرات .. خلاص معد ياثر فيها ..

رجعت للبيت على الساعه 2 ..
ام نوره : ارحمينا يانجود الناس صارت تتكلم علينا وانتي ولا هامك ماكأنها سمعتك الي بياكلونها الناس ..
نجود بعدم اهتمام تغني : كلاام الناس لا بيقدم ولا يئخر هممم
ام نوره : حسبي الله ونعم الوكيل حسبيييي الله ونعم الوكيل ..
نجود : الي بيحسب يحسب على نفسه ..
دخلت لغرفتها وحطت راسها عالمخده وراحت في عاشر نومه ..
ام نوره برى جالسه في الحوش حاطه راسها بين يدينها وتدعي لبنتها ربي يهديها وتبطل الروحات والجيات الي في انصاص الليالي الناس بتاكلهم من كثر الكلام ..

..عدى كم يوم على آخر الأحداث .._-_-__-_-_

في جدهـٍ ..
فرح : ايش اسويلو يعني .
فجر : ياماما مايسير انزلي سلمي عليه ..
فرح بانفعال : ياكل تبن مني نازله ..
فدوه : فرووحه عيب عليكي ..
فرح سابتهم ونزلت ..
شافت ولد خالتها " مشعل " ومعاه واحد غريب هيا متعوده تكشف على عيال خالتها وعيال عمها بس هذا واحد غريب بس ماهتمت لانو مالها خلق لشي خلاص بعد فايز ماتت لحظات الفرح ..
فرح بدون نفس : السلام عليكم ..
محمد + مشعل : وعليكم السلام ..
فرح نزلت دموعها غصب عنها : مشعل فايز ماات ..
مشعل عوره قلبه نزل راسه بحزن : عظم الله اجرك ..
فرح جلست جنب مشعل : مشعل ابغه فااااايز خليه يرجع ماقدر اعيش بدونو يامشعلللل الله يخليك خليهم يرجعوه ..
مشعل مسح على شعرها بحنان : خلاص يافرح اذكري ربك الله يرحمو ان شاء الله ويسكنو جنات النعيم ..
محمد بتردد : عظم الله اجرك ..
فرح طالعت فيه بعيون غرقانه دمووع : أجرنا وأجرك ..
مشعل : اصبري ربي يعوضكم خير ان شاء الله لا تبكي كل شي مقدر ومكتووب والأعمار بيد الله ..
فرح بهدووء : عارفه يامشعل والله عارفه بس صعب اقتنع بهالكلام بعد مافقدت فاايز .. فايز اغلى غلاي ..
مشعل : كبرنا ولا صغرنا يافرح مرجعنا كفن ..
فرح حست الدنيا ضايقه فيها سابتهم وطلعت بدون أي كلمه زايده ..
محمد : الله يصبرهم ..
مشعل يتنهد : امييييييين ..
راحت لغرفتها وهيا في قمة الحزن والكآبه لسه ماستوعبت الصدمه لسه هيا في كابوس.. مستحيل الي بيصير يكون حقيقه ..

@@@@@@@@@@@@@@@@@@

يآآآآآآهـ تعبت

بعدين اكمل

يسلموووو نونه

قصه خقااااق


يلا كملي تحمست مررة