قالومــــات ليلة زفافك..

زينوها وادفنوها والكفن ثوب الزفاف..
غصب عنها زوجوها وسلموها للغريب..
مجبره ماشاوروها..قصدهم شرع العفاف..
مادرو إن البنية مغرمه ولها حبيب..
جهزوها وهي تبكي وترتشف دمع ارتشاف..
وخبروها إن موعد الفرح منها قريب..
مالقت احد فهمها وهمها ناظر وشاف..
إن حكت باللي سكنها ما لقت لها مجيب..
وكانها هي وافقتهم جرعوها للزعاف..
حالها من فعل أهلها صار محزن ومريب..
والحفل قرب وقامت ترتجف خوف ارتجاف..
كل يوم تقول باكر الفرج بإذن الرقيب..
باكر يمكن يفهمون قصتي بآخر مطاف..
جا باكر ثم عدى وجا بعد باكر عطيب..
وعلقوا عقد الاناره واحتشد فرد ولاف..
أيقنت إن الجرح جرحها ماله طبيب..
وانه لازم تطيع أمرهم وترضى الجفاف..
جو لها والدمع يغرق جفنها الحلو الرطيب..
قالوا يالله البسي ثوبك اللي للزفاف..
كفنوها وفي نظرهم زوجوها للأديب..
فرشوها الهم دايم والأسى لها لحاف..
ياحسافه دخلوها والحشا يغلي لهيب..
واحكموا قيد البنية واسجنوها بإلتفاف..
وادعتهم وهي تقول..حسبي الله الحسيب..
رحلتي ماهيب طويلة ورجعتي بعد القطاف..
سافرت عن دار أهلها وقلبها خطر وصويب..
سافرت مع منهو خطفها من أمانيها الضعاف..
خايفه مستوحشة والعرق منها صبيب..
وقلبها ينبض بذكرى ماضيه فيها إختلاف..
حاولت ترضى بقدرها وللحدث هي تستجيب.
.بس عيت تقتنع وعشقها ذاك الضفاف..
هو سألها جاوبيني ليه دمعاتك سريب؟؟
ليه لي ماتنظرين وأنا زوجك شخص واف؟؟
قالـت بنبره خجولة أنا في وضع رهيب..
غصب عني زوجوني وإطعنوني بالرهاف..
هو سكت لحظه تأمل وش أسوي يامجيب..
عقله وقلبه نطقها صاحب النخوة يعاف..
قال منهو غير حبي يسكن بقلبك نجيب؟؟
من تولى عرش قلبك إهتني به ياعفاف.
.وباكر الرجعة تراها وإمسحي الدمع العجيب..
خايف إني أمسكك واقترف ذنب اقتراف..
إضحكت ضحكه وقالت..مابعد هالطيب طيب..
الله يجازك عني بالأجر ويسر الطواف..
إرجعت وقالت رجعت يأهل الشرع الغريب..
بنتكم جتكم ولكن من بعد ذل وحساف..
وإبعثت مرسول عاجل أناجيتك يآالحبيب..
النذر اللي نذرته صار وافي يامناف..
إجلست يوم وتأخر..
لارساله ولا مجيب..
وعقلها يمه تشتت وبدت بالغيبة تخاف..
مرها طفل صغير وإسالت عن الصحيب..
قـــــــــال
""مــــــــــــــــــات""
ليلة زفافك وإندفن بعد الزفاف..
ناحت بحسره وطالت الليالي والنحيب..
وودعت قبل القى حلمها الزاهي وطاف..
إقتــلوها مرتين وشابت قبل المشيب