عائلهـ مهايطيهـ ...

بسم الله الرحمن الرحيم



كان فيه اربع بنات الاولى ليلى والثانيه ساره والثالثه نوف والرابعه مريم .
ثلاث منهم تزوجوا بدو والرابعه اخذت حضري .
ليلى تزوجت واحد اسمه مطلق .
وساره تزوجت عقاب.
مريم تزوجت مناحي.
ونوف تزوجت وائل ......(الحضري)=> طبعا باين .
مطلق دائما الثوب قصير واصفر وسروال السنه طالع والشعر طويل ومدهن ولا* وفارق والمشط مايطلع من الجيب عشان لو طلعت خصله او طارت لعن خيرها وسلتها بالمشط =>اشوا اني موب شعره والسياره ونيت غماره وحده والخرفان بالحوض .
اما عقاب =>اللي يقالي اكشخهم لابس ترنق ابو خطين =>ياا من طيبه او العويس وعليكم الحساب ولا بس نظاره شمسيه من ابو قرشين يكشخ فيها بكل مكان يخطر على بالكم حتى لو مافي شمس,والسياره كرسيدا موديل 88 واخوانه لاجينه عند السياره كلن يبي يكشخ فيها =>والله لو هي بورش
عاااد جينا لمناحي هيااط الدنيا كله فيه وانواع حركات العربجه والاستعرااض ثوبه شتوي دائما حتى لو بنص الصيف ماايفصخه حتى لوبالقايله => أبك هاذي علوم الرجال والسبحه ماتنزل من يده, ولا كشخ الله لايوريكم وخروا عن طريقه يلبس بيده مليون اسوراه مسوي فيها أكشن والاسوراه كلها جماجم=>ياااعمري فااهم الموضه غلط والسياره هايلكس موديل92 وغمارتين تدرون ليش لانه يحب يركب ورعاان الحاره => مسوي فيها أجودي.
والحين جا دور الحضري اللي هو وائل طبعا مسوي فيها انا اجنبي ماا يسمع الا اغاني اجنبيه ومايعترف بالثوب والشماغ يمكن اللي مانعه عن الثوب والشماغ الطااقيه ماتدخل برااسه من كبر الشوشه واللبس جنزات على الخصر وتشيرتات وهواسمراني ومسوي سكسوكه وسيارته فورد => على الاقل اهون من غيره.
ونرجع لمحور حديثنا ان مطلق ومناحي وعقاب اخوان وساكنين في عمارة ابوهم وهي تتكون من ثلااثه طوابق وكل طابق فيه شقتين,الطابق الاول الشقه الاولى ساكن فيها مطلق وليلى والشقه الثانيه مصري هو وعياله والطابق الثاني الشقه الاولى عقاب و ساره والشقه الثانيه وائل ونوف => مقرودين الله قردهم بعمارة البدو
والطابق الثالث الشقه الاولى مناحي ومريم => لان مناحي يحب النفاهه ويبغى يسير قريب من السطح وعلى فكره هو طالع على ابوه اما الشقه الثانيه ففيها عائله سعوديه => الله يستر عليهم
............... وبكيذا اختم بدوري الجزء الاول من قصتي اتمنى تعجبكم القصه وانتظر ردودكم

هههههههههههههههه <<<تخيلي عاااايشه معهم


يسلموووو بس كملي

اممممممممممم


اكـــــــــــمل ...؟


أأذن انه خلصت